India tan Saina leh Prannoy

Badminton World Federation (BWF) hnuaia mipa leh hmeichhe team inelna 2018 Thomas & Uber Cup chu May 20-27 chhungin khelh a ni dawn a, Bangkok, Thailand-ah India aiawh turin Saina Nehwal leh HS Prannoy te pawh an inlan dawn.

Inelna hi a vawi 27-na tur chiah a ni a, mipa team-ah hian Asian championship bronze medalist Prannoy bakah, world number 18 B Sai Praneeth, rawlthar Sameer Verma leh junior world number 4 Lakshay Sen te an tel dawn.

Hmeichhe team lamah 2018 Commonwealth Games gold medallist Saina chu player langsar a ni dawn a, ani bakah hian Vaishnavi Jakka Reddy, Sai Krishna Priya, leh India number 1 Anura Prabhu leh number 2 Vaishnavi Bhale te chu singles-ah an inlan ang.

Badminton Asso­ciation of India president Himanta Biswa Sarma chuan, "Player naupang zawkte tan hun ṭha siam­sak kan duh a, anni ho khawm turin tawnhriat nei ṭha kan zep bawk. Hma­sawnna kan hmuh ngei ka beisei," tiin a sawi.