Euro 2024 logo an tlangzarh

European Cham-pionship 2024 chu Germany-ah nghah a ni dawn. Berlin, Germany-ah UEFA president Aleksander Ceferin, German Football Association (DFB) president lailawk Rainer Koch leh UEFA EURO 2024 tournament director Philipp Lahm ten tunkar khan an tlangzarh.

Euro 2024 logo pian hmang hi final khelhna tur stadium Olympiastadion mila siam a ni a, rawng chi ruk - a eng, a sen, a dum, a hring, a var leh a pawl te awmin heng rawngte hian UEFA hnuaia ram 55 te ṭheuh ram flag a entir. Logo laiah hian Euro nomawi a awm bawk.

Ruahman dan chuan Euro 2024 hi June 14 – July 14, 2024 chhunga khelh tur a ni a, Germany khawpui pakua Berlin, Dortmund, Munich, Cologne, Stuttgart, Hamburg, Leipzig, Frankfurt leh Gelsenkirchen-ah te khelh a ni ang.

Euro champion lai chu Italy an ni a, kumina khelh Euro 2020 final-ah penalty hmangin England an hneh. Germany hian 1988 Euro hnua European Championship a thlen lehna hmasa ber a ni a, inelna an thlen ṭum hian Netherlands-in final-ah Soviet Union 2-0 a hnehin an champion.