Stephens lakah Watson a tlawm

Indian Wells Masters-ah Britain nula Heather Watson a chak lo nghal. British number 1 pawh lo ni tawh Watson hi Sloane Stephens lakah 6-7 (5-7), 7-5, 6-1 a chak loin a zinkawng a tawp.

Kum 29 mi Watson hian bul a ṭan fuh, set hmasa ber pawh tie break hmangin a la. Mahse, set hnuhnung pahnihah erawh United States nula zawk a chungnung a, a service a hum tlat a avangin a chak zawkah a ṭang.

Stephens hian a match lehpekah chuan, amah ang bawka American player Jessica Pegula a hmachhawn leh ang. Pegula hi seeded 19-na a ni phak a, match hmasa berah hian khelh hah ngai loa tlangsa a ni.

Kum 2017 US Open champion Stephens chuan, "Set hmasa ber hloh hi chuan rilru a hrehawm ṭhin, mahse engtik lai pawhin beidawng loa beih hram hramna hian rah ṭha a chhuah ṭhin," tiin a sawi.

Inkhel dangah Shelby Rogers chuan Anhelina Kalinina 7-6 (2), 6-2, in a hneh a, tualchhung mi Madison Keys pawhin Kaia Kanepi chu 6-0, 7-5 in a hneh. American player dang Madison Brengle erawhin Hsieh Su-wei 6-1, 7-6 (4) in a hneh lo thung.