Red Bull leh Honda thawkdun zel dawn

Formula 1 aṭangin Honda an inhnukdawk dawn a, mahse Japanese company hian engine siam kawngah Red Bull a la pui zel dawn - team pahnih thawhdunna hi kum 2023 thleng daih a ni ang.

Honda hian United Kingdom-ah hmunpui pakhat an nei a, heta an hnathawkte hian Red Bull hi an pui dawn. Engine siam bakah driver naupang zawkte chher hriam kawngah team pahnih hi an la thawk dun zel dawn a ni.

Red Bull team principal Christian Horner chuan, "Honda nen hlawhtling takin kan lo thawkho tawh, anni zarah kan team pawhin nasa takin hma kan sawn. Kan inṭhian ṭhatna a la tawp mai dawn lo, kawng kan dap zel ang," tiin a sawi.