Flick-a'n Werner tuai hriam a tum

Germany-in zanin dar 12:15 hian World Cup qualifier-ah Romania an mikhual dawn. Die Mannschaft hian coach thar Hansi Flick-a hnuaiah Liechstenstein (2-0), Armenia (6-0) leh Iceland (4-0) an hmachhhawn a, goal 12 khungin goal an chhuah lo.

Flick hian season bul ṭan ṭha lo, Leroy Sane chu chher hriamin inrintawkna a neihtir tawh a, a hmabak chu Chelsea forward Timo Werner a ni. Kum 25 mi Werner hian Flick-a hnuaiah match thum khel tluan vekin goal a khung vek bawk.

Bayern manager hlui Flick hian training-naah Flick hi kawm falin awmze nei zawka tlan dan leh awmna hmun tura awm dan a sawipui. Germany coach hi London-ah kalin Werner-a tuai hriam theih dan tur chungchangah Thomas Tuchel a titipui bawk.

Germany hi group J-ah awmin point 15 hmuin hmahruaitu an ni a, Flick leh a hote hian World Cup khelh phak ngawr ngawr tum loin Qatar-a team ṭha zawk hruai theih dan tur an ngaihtuah ṭan tawhah a ngaih theih.