Sir Alex-a'n hma a sawn

Sir Alex Ferguson chu thluaka thisen zam chat vanga Inrinnia chawpchilh taka zai a nih hnuah ICU aṭangin lakchhuah a ni tawh niin Manchester United chuan thuchhuah an siam.

Kum 76 mi Ferguson hi Salford Royal Hospital-ah a inenkawl chhunzawm ang. Scottish manager hi May 2013 khan club enkawl hna hi a chawlhsan a, English club hi nomawi 38 a lakpui hman.

United chuan, "Ferguson-a duhsaktu leh ngaihventu an ṭhathnem avangin a chhungte pawh an lawm hle," tiin thuchhuah an siam a, inkhung fal zel an duhthu an tarlang tel bawk.

Sir Alex-a duhsakna thuin coach, player, club leh association ṭhahnem tak an ṭawng chhuak a, chung zingah chuan Arsenal manager chhuak tur Arsene Wenger leh Premier League champion Manchester City manager Pep Guardiola pawh an tel a ni.