Sharapova-i'n quarterfinal lut

Nilaini zan khan Maria Sharapova chuan Kristina Mladenovic lakah 6-3, 6-4 a hnehna changin Madrid Open quarterfinal a lut a, quarterfinal-ah Kiki Bertens a hmachhawn leh ang.

World number 1 hlui Sharapova hian a ball vuak na tak a lantir thei leh tawh a, forehand ṭha takin winners vawi 30 ngawt a vaw chhuak thei. Kum 22 mi Mladenovic tan Russian nula ball vuak a na mah mah a, season hmasa final a thlenna hmunah last 16 a paltlang zo ta lo a ni.

Grand Slam vawi nga champion tawh Sharapova hi karleha ranking chhuak tharah chuan a thiam 40 zingah a tel phak tawh dawn. Madrid Open semifinal lut tur erawh chuan hna a hautak dawn, a khingpui tur Bertens hian last 16 inkhel dangah world number 2 Caroline Wozniacki chu 6-2, 6-2 in a hneh.

2014 Madrid Open champion Sharapova chuan, "Tun hma lama thil thleng ka ngaihtuah buai lo a, a pawimawh zawk chu tuna kan match khelh lai zel hi a ni," tiin a sawi. Sharapova hi damdawi hman phal loh a hman vangin thla 15 hrem a ni tawh a, hemi chungchangah hian tun

ṭuma a hneh tak Mladenovic hian a dem thu a lo sawi tawh a ni.