India squad-ah Danmawia a tel

11th May, 2018

June 1-a khelh ṭan tur Hero Intercontinental Cup inbuatsaihna atan India coach Stephen Constantine chuan player 30 a ko chhin a, player koh zingah East Bengal forward Laldanmawia Ralte chu a tel.

Sialhawk Express tia hriat lar Danmawia bakah hian India squad-a regular taka koh Jeje Lalpekhlua, Jerry Lalrinzuala leh Lalruatthara te chu koh zingah an tel bawk.

AFC Asian Cup 2019 khel tura inbuatsaih mek India hian Kenya, New Zealand leh Chinese Taipei te nen Intercontinental Cup hi an khel dawn a, Asian Cup khelh tura player enchhinna remchang a ni.

English coach chuan, "Asian Cup khel tura inbuatsaih nan match tam zawk kan mamawh a, team ṭha tak tak kan hmachhawn thei tur hi a lawmawm takzet.

"New Zealand hi team hmachhawn hautak tak tur an ni a, Chinese Taipei hi Asian Cup-a group khata kan awmpui Thailand nen an khelh dan a in ang em em bawk. Kenya lah an tharum neih ṭhat avanga hriat hlawh an ni a, inkhel awlsam a ni dawn lo," a ti.

Player 30-te hi May 16-a India-in Mumbai-a camp a neih turah in report tura hrilh an ni a, AFC Cup khelh vangin Bengaluru player-te chu May 18-ah camp zawm tura tih an ni.

India Squad
GOALKEEPERS: Gurpreet Singh Sandhu (Bengaluru FC), Amrinder Singh (Mumbai City FC), Vishal Kaith (FC Pune City); Sanjiban Ghosh (Jamshedpur FC)
DEFENDERS: Subhasish Bose (Bengaluru FC), Sandesh Jhingan, Lalruatthara (both Kerala Blasters FC), Souvik Chakrabarti, Anas Edathodika ( both Jamshedpur FC), Salam Ranjan Singh (East Bengal), Jerry Lalrinzuala (Chennaiyin FC), Narayan Das (FC Goa), Pritam Kotal (Delhi Dynamos), Davinder Singh (Mumbai City FC)
MIDFIELDERS: Rowllin Borges, Halicharan Narzary (both NorthEast United FC), Dhanapal Ganesh, Anirudh Thapa (both Chennaiyin FC), Udanta Singh (Bengaluru FC), Mohammed Rafique (East Bengal), Bikash Jairu (Jamshedpur FC) Pronay Halder (FC Goa), Laldanmawia Ralte (East Bengal), Ashique Kuruniyan (FC Pune City),
FORWARDS: Balwant Singh (Mumbai City FC), Jeje Lalpekhlua (Chennaiyin FC), Seiminlen Doungel (NorthEast United FC), Alen Deory (Shillong Lajong FC), Manvir Singh (FC Goa), Sunil Chhetri (Bengaluru FC).