Mumbai Indians tan KKR an nau

Indian Premier League khelh mekah Mumbai Indians-in duh­thusamin season bul ṭan lo mah se hma an sawn chho ve zel a, playoff khelh an beiseina chhi nung turin Kolkata Knight Riders chu run 102-in an sawp.

Kolkata khawpuiah Mumbai Indians an bat hmasa zawk a, ball 21 leka run 62 vaw chhuaktu Ishan Kishan tih loh batsman dang zingah che ṭha fal tia sawi tur awm lo mah se Suryakumar Yadav (36 runs), captain Rohit Sharma (36) leh Ben Cutting (24) ten an thawhkhawm ṭha a, over 20-ah run 210 ngawt siamin wicket ruk chiah an hloh.

Eden Gardens-a inkhel mah ni se KKR tan Mumbai run siam zat umphak a hu­phurhawm a, he boruak karah hian opener Sunil Narine chu run li chiah siamin a out!

Mumbai bowler ten an vawm ṭha zui a, Chris Lynn (21) leh Nitish Rana (21) te chu run siam hnem ber niin over 18.1-ah run 108 chiah an tlin a, an vaiin an out vek! Run 102 ngawta an target umpha lo chungin an mualah mualpho takin an tlawm.