Birmingham Classic-ah player langsar

Wimbledon inbuat­saihna tournament ṭhen­­khat zinga pakhat Bir­mingham Classic-ah player langsar an inlan dawn a, inelna buatsaihtu lam chuan kum 37 chhunga tel an ṭhat ber ṭum a nih tur thu an sawi.

Tun dinhmuna hriat theih chinah chuan world ranking-a a sang zual 26 zinga 15 an tel dawn a, an zingah hian Wimbledon champion lai Garbine Muguruza pawh a tel. Spain nula Muguruza bakah hian Karolina Pliskova, Petra Kvitova leh Johanna Konta te chu champion thei tura rinkai an ni ang.

Inelna hi Edgbaston Priory Club-ah June 16-24 chhungin neih tur a ni dawn a, tun hma lama sulhnu ṭha hnutchhiah tawh Maria Sharapova leh Dominika Cibulkova te pawh player langsar barakhaih thei tura ṭha tawk an ni bawk.

Tournament director Patrick Hughesman chuan, "Kan grass court hi khawvela a ṭha berte zinga mi a ni a, a hmun hma hi kum tin cheiṭhat zel niin hma kan sawn tawh hle. Player ten nuam ti taka inelna an hma­­chhawn theih ngei ka beisei," a ti. Grass court inelna lian Wimbledon hi July 2 aṭanga khelh tur a ni.