India-in beisei an nei sang

India badminton team chuan tun kar tawp aṭanga neih tur Thomas & Uber Cup 2021 an hmachawn dawn a, tun hnaiah result nei ṭha tawk lo mah se ram leh ram inelna huangah hian chet ṭhat tawh ngei an inbeisei.

PV Sindhu a inlan dawn lo a, world number 1 hlui Saina Nehwal chu singles lamah India beiseina a ni dawn. Mipa doubles pair Chirag Shetty leh Satwiksairaj Rankireddy te pawh mipui ngaihven an ni ang.

Chirag Shetty chuan, "Thomas Cup Finals khel turin ka inpeih tawk, kei ang bawkin player dang pawh an inpeih," tiin a sawi. Inelna hi October 9-17 chhungin Aarhus, Denmark-ah khelh a ni dawn.

Sudirman Cup lamah India hian bisei an phak loh avangin an lakah rinna nghah a harsa. Group C-ah hian China, Netherlands leh Tahiti te nen an inel dawn, an match hmasa ber atan Pathianni zanah Dutch team nen an inkhel dawn a ni.