4-na nih phak kan beisei - Sarri

Maurizio Sarri chuan season bul ṭan fuh lo mah se an beidawn loh thu a sawi a, season a tawp hunah chuan Lazio chu Serie A table-ah a sang zual pali zingah an awm phak ngei a beisei thu a sawi.

Sarri naute hian league match vawi sarih an khelhah point 11 an hmu, hmahruaitu Napoli erawhin point 21 an nei tawh thung - a club hlui nena an inkar chu zau tak a ni der tawh.

Italian manager Sarri chuan, "AC Milan kan hneh lo a, a hnuah Galatasaray kan hneh lo bawk. Mi tam tak chuan tho leh thei tawh lo tur khawpa ṭha tawk loah min ngai a ni mai thei, mahse AS Roma kan hneh thei tih hriat a ṭha.

"Rome derby boruak san zia hretu ka ni, 3-2 a kan hneh tak kha Jose Mourinho enkawl team an ni bawk. Chuvangin Lazio hian sang tak thleng turin theihna kan nei, season thara Champions League khelh kan tum ngam tur a ni ang," a ti.