Joshua leh Usyk inhnek nawn dawn

Anthony Joshua chuan Oleksandr Usyk laka WBA, IBF leh WBO heavyweight title a hloh hnuin Usyk nena inhnek nawn turin thutlukna a siam fel. A promoter Eddie Hearn chuan March thlaah inhnek tura ruahmanna kalpui a nih thu a sawi.

Usyk hian thla hmasa khan rin loh takin Joshua hi a hneh a, a kawnghren kawl lai liantham pathum chu a chhuhsak - Joshua hi lo chak ngat se chuan Tyson Fury nena inhnek tura sawizawm an ni tur!

Hearn chuan, "Joshua hian inhnek ringawt a ngaihtuah leh tawh a, training ngawrh takin a nei leh tawh. Tunah chuan Oleksandr Usyk nena inhnek nawn theihna dan an neih chu kan hmang ṭangkai dawn a ni.

"Vawi thum world champion turin kan beisei a, March thlaah Usyk nen hian an intawn theih kan beisei," a ti.

Joshua hian Usyk hma hian Andy Ruiz Jr. lakah a kawnghren chu mak takin a lo hloh tawh a, mahse, American boxer hi hneh leh zuiin a kawnghren hi a hlawh let a, Usyk hneh leh theih a inbeisei ang.

Ukrainian boxer Usyk hian Joshua nen an inhnek leh dawn a nih chuan an ram Kyiv khawpuia Olimpiyskiy Stadium-ah ni se a duh thu a lo sawi tawh a, he inhneka chak zawk tan Fury hmachhawnna chance a sang hle.