Lukaku leh Hazard an inhiam

Belgium player pawimawh Romelu Lukaku leh Eden Hazard te chu inhliam vangin nizana Nations League third palace zawnna an inlan thei lo. Chelsea striker Lukaku hian London pan mai loin Belgium lamah a kal hmasa.

Red Devils coach Roberto Martinez chuan, "Tihrawl hliam vangin inkhel turin an inpeih lo. National team camp an chhuahsan a, an hliam dam hun tur hi ka la hrethiam lo," tiin a sawi.

Chelsea nena an boruak sawiin Martinez chuan, "Ram leh club lama medical staff ten inhriatthiam tawnna ṭha tak an nei a, player tana ṭha ber an duh. Thutlukna eng pawh hi club nena inremna nei veka siam a ni," tiin an rama a let chungchangah club nena intihbuaina an neih loh thu a sawi.

Lukaku khelhna Chelsea hian October 16, Inrinni zan dar 10:00 hian Brentford an hmachhawn dawn. Brentford Community Stadium-ah hian Arsenal an chak loh tawh bakah Liverpool-in point khat chauh an hlawhchhuah avangin Thomas Tuchel-a naute tan fimkhur a ṭul ang.