Dubai-ah Sangtea

Mizo zinga professional boxer hmasa ber Lalrinsanga Tlau chu Ghanaian boxer Eric Quarm hneha World Boxing Council Youth Super Featherweight title a lak hnuah boxing ring-ah a lut leh dawn.

Khawruhlian tlangval Sangtea hi October 23, Inrinniah Georgian boxer Ilia Beruashvili nen Conrad Hotel, Dubai-ah an inhma-chhawn ang.

Sangtea hian professional boxing a luhchilh hnuah vawi nga inhnek hmachhawn tawhin a la chak vek a, a khingpui ṭum hnih a knockout bawk.

Mizo tlangval hian Grassroot Boxing Promotions and Management hnuaiah contract a nei a, tun ṭuma an inhnekna tur pawh hi Grassroot Boxing buaipui vek a ni.

Sangtea leh boxer ṭha ṭhahnem tak buaipuitu Grassroot Boxing leh Zonet chuan inremna an nei a, Dubai-a Mizo tlangval inhnek hi Zonet kaltlangin a en theih ang.