Last 16-ah Swiatek

Iga Swiatek chuan Veronika Kudermetova 6-1, 6-0 a hnehin Indian Wells Masters khelh laiah last 16 a lut a, amah ang bawka French Open nomawi chawi tawh Jelena Osta-penko nen quarterfinal luh an inchuh ang.

Polish nula hian a khel ṭha hle, minute 54 chhungin game khat chiah a hloh. Aces vawi nga a vuak chhuah bakah first serve bik aṭang phei chuan point thum chauh a hloh a ni.

Inkhel dangah seeded palina Elina Svitolina chuan Sorana Cirstea lakah 4-6, 6-4, 7-6 (3) in hnehna a chang hram. Tokyo Olympic bronze medalist hian hnehna chang turin darkar hnih leh minute 32 a mamawh hial, a match lehpekah chuan Jessica Pegula a hmachhawn leh ang.