Vanglaini Coronavirus Zirtirna

Covid-19 chungchangah Mizoram pawh a ralkhel mek, mitin kan theihtawpa fimkhur tak chunga kan inven a pawimawh hle. Hri leng hian min rawn luhchilh a nih chuan harsatna tam tak min siam thei dawn, chuvangin a hmasa ber atan chuan invenna theihtawpa kalpui hi kan tih tur a ni ang.

Sorkar leh kohhrante'n thuchhuah an siamte zawm thei ila, thuawih thei tak 'Mizo' kan nihna kha tun hi a lanchhuahtir hun tak a ni ang. Mahni kut fai taka sil leh midang lenchilh tam loh hi mitinin awm hmuna kan tih theih a nih avangin midang tibuai lo zawnga nun hman theih a duhawm.

A bik takin ṭhalaite, infiamna hi ei zawn nan hman kan tum emaw, thui tak thlen kan tum kher lo a nih emaw pawhin mahni taksa hrisel nan inchhungah insawizawi ngun turin ka sawm duh, hriselna hi suma lei theih loh ro hlu tak kan neih a ni.

Engtik niah emaw chuan Pathian zarah hri leng hi a la reh ve leh ngei ang. Khawvel hi ralmuang taka a kal leh hunah hlim leh lawm taka kan inhmuh leh theih nan mahni awmhmun ṭheuhah him taka lo awm vek turin duhsakna sang ber ka hlan a che u.

Keipawh Patiala-ah ka awm mek a, Mizoramah rawn haw ka tum rih lo. Fimkhur takin ka inenkawl a, Olympic ka khelh ngei theih nan min lo ṭawngṭaipui turin ka ngen a che u.

Jeremy Lalrinnunga

Weightlifter - Youth Olympic Games Gold Medalist