Narine-a'n Kolkata Knight Riders a chakpui

Kolkata Knight Riders chuan Indian Premier League eliminator-ah Royal Challengers Bangalore chu wicket liin an hneh a, champion beiseina a la chhi nung zel.

Thawhlehni zan khan Sharjah-ah inkhelh hmuhnawm chhawpchhuah a ni a, KKR tan all rounder Sunil Narine a che ṭha. Windies all rounder hian wicket li (21/4) a lak bakah 26 runs a siam.

Kohli telna
Ṭhumvawrah Royal Challe-ngers Bangalore an vannei a, captain Virat Kohli-a'n vuak hmasak a thlang. Opener pahnih Devdutt Padikkal (21) leh Kohli (39) te an che chhe lo a, an pahnih inkawp hian 49 runs an siam hman.

Mahse RCB player langsar Kohli, Srikar Bharat (9), Glen Maxwell (15) leh AB de Villier (11) te chu Narine-a'n a vawm hlum vek. Kohli captain-na hnuaia khel Bangalore-in 138/7 runs chauh an siam.

Narine bawk
KKR tan Shubman Gill (29) leh Venkatesh Iyer (26) ten bul an ṭan chhe lo a, amaherawhchu run siam tam fal an awm loh avangin awlsam takin hnehna an chang bik lo.

Sunil Narine bawk a rawn che ṭha a, Windies all rounder hian ball 15 lekah 26 runs siamin Kolkata hian over 19.4-ah 139/6 runs siamin hnehna an chang.

Kohli a chuai
Royal Challengers Bangalore-in IPL nomawi an la chawi ngai lo a, inelna an chhunzawm leh hmain Virat Kohli-a'n season thara a captain tawh loh tur thu a sawi.

Kohli-a'n captain hna a chelh hnuhnun berah nomawi lak ngei an duh a, mah se an tum ram an thleng ta bik lo. Bangalore hian 138 runs chauh an siam avangin chak a beiseiawm loh. Chutichung chuan Bangalore-in chak tumin a tawp thlengin an bei a, bowler pahnih Harshal Patel leh Yuzvendra Chahal ten KKR harsatna an siam pha hial.

RCB captain Virat Kohli chuan, "Tun hi season dang la awm leh tur atana indintharna remchang a ni. Captain hna chelh chhunzawm dawn lo mah ila, Bangalore tan ka rinawm zel dawn. IPL-a ka hun tawp thlengin khelh ka duh," tiin a sawi.

October 10, Pathianni
Chennai Super Kings
bt
Delhi Capitals
CSK wicket liin an chak

Capitals - 172/5
Prithvi Shaw 60 (34)
Rishabh Pant 51* (35)
Shimron Hetmyer 37 (24)

Josh Hazlewood 29/2
Ravindra Jadeja 23/1
Moeen Ali 27/1

Super Kings - 173/6
Ruturaj Gaikwad 70 (50)
Robin Uthappa 63 (44)
MS Dhoni 18* (6)

Tom Curran 29/3
Anrich Nortje 31/1
Avesh Khan 47/1

October 12, Thawhlehni (Eliminator)
Kolkata Knight Riders
bt
Royal Challengers Bangalore
KKR wicket liin an chak

RCB - 138/7 (20)
Virat Kohli 39 (33)
Devdutt Padikkal 21 (18)
Glenn Maxwell 15 (18)

Sunil Narine 21/4
Lockie Ferguson 30/2
Varun Chakravarthy 20/0

KKR - 139/6 (19.4)
Shubman Gill 29 (18)
Sunil Narine 26 (15)
Venkatesh Iyer 26 (30)

Yuzvendra Chahal 16/2
Mohammed Siraj 19/2
Harshal Patel 19/2

Zanin Inkhel Tur (Qualifier 2)
Delhi Capitals
7:30 PM
Kolkata Knight Riders

October 15, Zirtawpni (Final)
Chennai Super Kings
7:30 PM
Winner Qualifier 2