Zaninah Delhi Vs Kolkata

Zanin dar 7:30 hian Delhi Capitals leh Kolkata Knight Riders ten Sharjah Cricket Stadium-ah Indian Premier League qualifier 2 an khel dawn a, heta chak zawk hian final-ah Chennai Super Kings an hmachhawn ang.

League round-ah Delhi Capitals hi hmahruaitu an ni a, amaherawhchu qualifier 1-ah MS Dhoni hnuaia khel Super Kings an hneh loh avangin final lut turin Kolkata an hneh ngei a ṭul.

Qualifier 2-a inhmachhawn tur team hi league round-ah ṭum hnih an inhmachhawn tawh. An intum hmasak zawkah Delhi-in wicket 7 ngawtin hnehna an chang a, Prithvi Shaw-a'n ball 41 lekah 82 runs a vaw chhuak.

An inhmachhawn hnuhnun zawkah Kolkata hi wicket thumin an chak ve thung. Delhi hian bat hmasain 127/9 runs an siam a, KKR tan Nitish Rana chuan thi loin 36 runs a siam. Zanin hi ṭum thum an inkhelhna tur a ni a, chak zawk tur hriatthiam a har hle.