Wales tan beisei a la bo lo

World Cup 2022 khel turin Wales beiseina a la thi lo - Estonia chu khualmualah 1-0 in an hneh a, group hmahruaitu nih beiseiawm tawh lo mah se pahnihna ni chunga playoff khel turin beiseina erawh an la nei.

Estonia khelmualah Wales-in goal an khung hma a, minute 12-naah Kieffer Moore chuan inkhela goal awmchhun hi a khung - hun tawp thleng goal dang a lut lo a, Wales an chak.

Wales-in hliam vangin Gareth Bale chhawr thei lo mah se an goal nawr erawh a na a, vawi 14 ngawt shot an nei - chutihrual chuan tlarhnung a nghing a, World Cup mitthla an duh chuan tlarhnung lamin insiamṭhat an mamawh.

Group E-ah hian Belgium chuan point 16 neiin hma an hruai mek a, Wales-in khelh zat inangah point ngain an phak lo mek. Match hnih khelh tur a la awm avangin chhiarkawp danah chuan Wales hian pakhatna dinhmun luaha group hmahruaitu nih theihna dan an la nei.

Mahse, he thil thleng tur chuan an hmabak match hnihah Belgium-in Estonia leh Wales an ngam loh a ngai a, Estonia laka tlawm tura Belgium dah hi thil harsa a ni.

Group E inkhel dangah Czech Republic chuan 2-0 in Belarus an hneh a, Patrik Schick leh Adam Hlozek ten goal khat ve ve an khung - Wales nen an point hmuh zat a inang.

Chutihrual chuan Czech hian Wales aiin match khatin an khel tam zawk a, anni ai chuan Wales-in pahnihna ni chunga playoff khel turin beiseina an nei sang zawk.