T20 World Cup lawmman tur an puang

2021 ICC Men's T20 World Cup-a lawmman tur an tichiang a, champion team-in dollar maktaduai 1.6 an dawng dawn. Pahnihnain dollar nuai riat an hum haw dawn a, semifinal-a chak lo team pahnih hnenah dollar nuai li ve ve pek an ni bawk ang.

Tun thla October 17 aṭangin UAE leh Oman-ah inelna hi ṭan a ni dawn a, November 14-ah final khel tura ruahman a ni. Inelna hi ram 16 -in an hmachhawn dawn a, heng ramte hian dollar maktaduai 5.6 an insem bawk dawn.

ICC chuan team chet ṭhat dan a zirin bonus pek an pe dawn. First round-a hian team riat an inel dawn a, heta ti ṭha ram pali chu Super 12-ah an inhlangkai ang. Group A-ah Ireland, Namibia, Netherlands leh Sri Lanka te an awm a, Group B-ah Bangladesh, Oman, Papua New Guinea leh Scotland te an awm.

Cricket thiam ram pariat - Afghanistan, Australia, England, India, New Zealand, Pakistan, South Africa leh West Indies te chu Super 12-ah hian an tling sa a ni.