Junior Futsal champion Dinthar

12th May, 2018

All Mizoram Junior Futsal Tournament-ah Dinthar club Sawma FC chuan nimin final-ah Zonuam FC 7-2 a hnehin an champion.

Lammuala inkhelah hian Sawma FC tan Lalawmpuia Sailo chuan goal li a khung a, Ayush Chhetri-a'n goal hnih khungin Michael K. Lalhriatpuia'n goal khat a khung. Zonuam tan Lalruattluanga'n goal khat a khung a, Dinthar player Zothantluanga chuan an lamah a tilut bawk.

Sawma FC hian kum 16 hnuai lam inelnaa champion tur hian Royal Bulls, Bungkawn (4-1), Kawnpui (8-2), Melthum FC (9-2), GSA, ITI (6-0) leh Bawngkawn FC (8-0) te an hneh hnuin final-ah Zonuam an sawp leh bawk.

Dinthar club hian match ruk lekah goal 42 an khung a, goal sarih chiah chhuahin match hnihah an clean sheet a, champion an phu hle.

Team 58 telna inelnaah hian champion Sawma FC hian Rs 10,000 an dawng a, pahnihna Zonuam FC hian Rs 5,000 dawngin semifinalist Bawngkawn FC leh Kanan Veng FC ten Rs 2,000 an dawng bawk.