Nomawi chawi tur Neuer leh Muller

Zanin dar 7:00 hian tun season Bundesliga match hnuhnung ber khelh rual tur a ni a, champion lai Bayern Munich chuan VFB Stuggart an mikhual dawn.

Allianz Arena-ah league no­mawi hlanna neih tur a ni dawn a, Bayern Munich forward Thomas Muller chuan hliam vanga tun hnaia inkhel mumal lo Manuel Neuer nen nomawi an chawi dun tur thu a sawi.

Season tir khan goalkeeper Neuer hi Bayern captain atan ruat a ni a, legend Philipp Lahm thlaktu Neuer hian hliam a neih deuh reng avangin tun season chhungin league match vawi thum bak a khel lo.

Germany international Neuer awn loh hlanin ram tana a khelh pui Muller-a'n captain armband a hreng a, Jupp Heynckes kaihhruaina hnuaiah match nga khelh hmabak nei chungin an champion dawn tih a chiang tawh a ni.