Mizoram champion Alberto LR Ruata
Mizoram Table Tennis Association hnuaia tun season chhunga inelna hmasa ber MTTA Season Opening Table Tennis Championship 2018 chu Inrinni khan khelh zawh a ni a, mipa singles-ah Alberto LR Ruata chuan David Zodinpuia lakah 4-1 a hnehna changin a vawi li nan a champion.
MTTA Hall, Mission Venga inelna neihah Mizoram hmun hrang hrang aṭangin TT khel thiam player 145 an inlan a, season khat chhunga ranking point tam pahnihna a nih avangin tel an ṭhahnem hle, champion hian point 120 hmuin, pahnihnain point 90 an hmu thung.
Men's singles leh youth boy's inelna huanga pakhatna Alberto chuan, "Youth huangah chuan harsatna lian tham ka tawk lo, men's singles-ah erawh hna a hautak hle, a tawpah a vannei berah ka ṭang," tiin Vanglaini hnenah tualchhung TT khelh a awlsam loh thu a sawi.
Inelna pumpuiah Techmaze TT Club chuan gold pakua, silver panga leh bronze paruk laiin a vawi hnih nan an champion. Mission Veng club hi team naupangte niin kum khat an tling awrh chauh a, tun hnaiah hma an sawn nasa hle.
Techmaze bakah hian Serchhip District TT Club, Shinlin TT Club, Kolasib District TT Club, Synod HSS, Tuikhuahtlang TT Club leh Zote SC ten medal an dawng bawk. Tun tournament-ah hian a vawi khat nan kum 10 chin leh a hnuai lam inelna Mini Cadet category siam a ni a, Serchhip club aiawh Kevin F. Lalhmangaihzuala a champion.
Mini Cadet Boys
Champion : Kevin F. Lalhmangaihzuala, SCDTTA
Pahnihna : Fernando Vanhriatsanga, Shinlin
Cadet Girls Singles
Champion : Lalrinnungi, Techmaze
Pahnihna : Lalhruaitluangi, SCDTTA
Cadet Boys Singles
Champion : Kevin F. Lalhmangaihzuala, SCDTTA
Pahnihna : Fernando Vanhriatsanga, Shinlin
Sub Junior Girls Singles
Champion : Malsawmtluangi, Techmaze
Pahnihna : Lalrempuii, SCDTTA
Sub Junior Boys Singles
Champion : Lalruatfela, KDTTA
Pahnihna : Thangsiansanga, Synod HSS
Junior Girls Singles
Champion : Malsawmtluangi, Techmaze
Pahnihna : Lalrempuii, SCDTTA
Junior Boys Singles
Champion : Thangsiansanga, Synod HSS
Pahnihna : Lalrinmawia, TILT
Youth Boys Singles
Champion : Alberto LR Ruata, Techmaze
Pahnihna : Lalmuanawma, Shinlin
Youth Girls Singles
Champion : Lalthansangi Sailo, Techmaze
Pahnihna : Malsawmtluangi, Techmaze
Men's Singles
Champion : Alberto LR Ruata, Techmaze
Pahnihna : David Zodinpuia, Zote SC
Women's Singles
Champion : Moumita Saha, Techmaze
Pahnihna : Lalthansangi Sailo, Techmaze
Women's Above 35 Singles
Champion : Ngurhmingliani Sailo, Shinlin
Pahnihna : Caroline Laldinzangi, Shinlin
Men's Above 35 Singles
Champion : Lalremruata, Techmaze
Pahnihna : Rodingliana, Techmaze