Buffon thubuai an siamsak

Juventus goalkeeper Gianluigi Buffon chu Champions League quarterfinal-a Real Madrid an hneh loh ṭuma a ṭawngkam mawi lo tak avangin thubuai siamsak a ni a, UEFA chuan May 31-ah Italian legend thubuai hi chinfel a nih tur thu an sawi.

Real Madrid leh Juventus inkhelah khan Italian club hi first leg-ah 3-0 in an tlawm a, second leg-ah 3-0 a hma an hruai mek laiin injury time-ah penalty an chawi. Referee thutluknaa lungawi lo Buffon hian mawi lo takin inkhel thununtu Michael Oliver a au khum a, red card a hmuh phah.

Cristiano Ronaldo-a'n penalty hi goal-ah a chantir zui a, inkhel pahnih belhkhawmah Real hi 4-3 a chakin semifinal an lut daih. Inkhelh zawhah Buffon a lungawi lo a, referee chungchang a sawi zui.

Buffon chuan, "Oliver hian 'thinlung' pawh a nei lo niin a lang a, ngaihtuahna pawh hmang thiam lo a ni. He khelmual chhung rap a, zahawm taka thutlukna siam thei lo mi chu lo pen chhuak lo mai se la, mipui zingah a nupui fanaute nen hmawmsawm ei chungin inkhel en mai rawh se," a ti!

Kum 40 mi keeper hi thubuai siamsak a la ni chauh a, UEFA hian eng ang takin nge an hrem dawn tih a la chiang lo.