RCB beiseina a nung zel
Indian Premier League khelh mekah Royal Challengers Bangalore chuan wicket 10-in Kings XI Punjab an hneh a, playoff khel turin beiseina an nei thar ve zel.
Indore khawpuia inkhelah Kings XI Punjab an bat hmasa zawk a, over 15.1-ah run 88 chiah tlinin an out vek! Punjab club tana run siam hnem ber Aaron Finch pawhin 26 bak a vaw chhuak thei lo.
Bangalore tan Umesh Yadav chu bowler langsar ber a ni a, kum 30 mi bowler hian over li lek a vawmah run 23 chiah pein wicket thum a la thei a ni.
Batsman nei ṭha RCB tan run 88 lek umphak thil huphurhawm a ni lo - over 8.1 lekah wicket hloh miah loin an target hi an umpha a, Virat Kohli (48 runs) leh Parthiv Patel (40 runs) ten midang vuak hah ngai loin hnehna an chanpui.
Inkhel Result
Bangalore 92/0 (8.1) bt Punjab 88 (15.1)
*Royal Challengers Bangalore-in wicket 10-in hnehna an chang
Zanin Inkhel Tur
Mumbai Indians 8:00 PM Kings XI Punjab