KKR dinhmun a ṭha

Kolkata Knight Riders chuan Indian Premier League playoff khelh an inbeiseina chu an chhi nung ve zel a, Thawhlehni zan khan Rajasthan Royals chu wicket ruka an hneh avangin table-ah pathumnaah an chho.

Rajasthan Royals hi an bat hmasa zawk a, over 19-ah out vekin run 142 chiah an siam! Jaipur club tana run siam hnem ber Jos Buttler pawhin run 39 bak a tlin lo a, Eng­lish batsman thlawptu ṭha ber Rahul Tripathi pawhin run 27 bak a tlin chuang lo.

Kolkata club tan Kul­deep Yadav-a'n a vawm ṭha takzet a, kum 23 mi spin bowler hian over li lek a vawmah run 20 chiah a pe a, wicket li a la thei!

KKR tan target hu­phurh­awm a ni lo a, Chris Lynn (45 runs) leh Dinesh Karthik (41) te ṭha taka rawn bat-in over 18 lekah an target an umpha a, wicket li chiah hlohin an chak.

Inkhel Result
KKR 145/4 (18) bt Rajasthan 142 (19)
*Wicket rukin Kolkata Knight Riders an chak
Zanin Inkhel Tur
Royal Challengers Bangalore 8:00 PM Sunrisers Hyderabad