Match 80 atana hrem Cano

Baseball star Robinson Cano chu damdawi hman phal loh chi khat diuretic Furosemide a lo hman avangin match 80 chhung inlan thei lo tura hrem a ni.

Seattle Mariners second baseman Cano hi baseball infiamna huanga hlawh hnem pawl a ni a, 2014 khan Mariners hi kum 10 chhunga dollar maktaduai 240 hlawh turin a zawm.

Major League Baseball (MLB) All star-a vawi riat lang thei an player chungchangah Mariners hian thuchhuah an siam nghal a, "A tisual palh a ni," an ti. Home run 305 siama 24,00 chuang hits nei thei Cano hian New York Yankees tan 2009 World Series nomawi a lo chawi tawh.

Mariners chuan, "Robinson-a'n MLB dan a palzut hi pawi kan ti a, hrem a nihna hi keini chuan kan pawm thlap. A tihsual chungchang kan hnenah a sawifiah tawh a, fans, club leh a ṭhiante hnenah ngaihdam a dil a, he hun harsaah hian theihtawp chhuahin kan pui ang," tiin an sawi.