I League U18-ah AFC

17th May, 2018

Hero I League Under 18 final round-ah Aizawl FC U18 an inlan dawn a, vawiin hian an match hmasa berah chawhnu dar 2:30 hian inelna thlengtu khawpui club Shillong Lajong FC nen an inkhel ang.

Aizawl FC hian final round lut tur hian qualifier leh playoff an paltlang a, final round-ah hian team 16 an tel. Team 16-te hi group pali-ah team pali zel awmin ṭhen hran an ni a, group tina hmahruaitu ṭheuhin semifinal an lut dawn a ni.

Mizo club hi Group D-ah FC Goa, Shillong Lajong FC leh Ozone Football Academy te nen an awmho a, semifinal lut turin hna a awlsam dawn lo.