Italy nih rualtu Switzerland

Switzerland chuan an mikhualna ramah Lithuania 4-0 in an luhchhuah a, point 14 neiin World Cup qualifier group C-ah pahnihna dinhmun an luah - hmahruaitu Italy nen an point neih a inzat!

Swiss team tan hian Breel Embolo-a'n goal hnih a khung bakah Renato Steffen leh Mario Gavranovic ten goal khat ve ve an khung. Chak lo Lithuania erawhin point thum chauh an la neih avangin a hnuai berah an awm chhunzawm.

November 19 hian Switzer-land hian Italy an lenchilh dawn, he inkhel hi group C aṭanga Qatar World Cup khel tur chinfelna tur anga ngaih theih a ni ang, pahnihna tan chuan playoff khelh a ngai dawn a ni.

Switzerland coach Murat Yakin chuan, "Match ruk kan khelhah goal khat chiah kan chhuah a, tlarhnung lam a phui hi a lawmawm hle. Hnehna chan theihna turin goal kan khung bawk, team inbuk tawk tak kan din thei hi a hlu," tiin beisei a nei sang hle.