President's Cup a awm dawn

15th October, 2021

Cricket Association Mizoram (CAM) hnuaia inelna President‘s Cup 2021 chu November 1 aṭangin khelh a ni dawn. Inelna hi CAM hnuaia club inziak lut zawng zawng tana tel theih a ni dawn a, a hmun tur erawh tih chian a la ni lo.

Kum 2019-20 season khan President‘s Cup-ah hian Gorkha an champion a, season hmasa khan Covid-19 vangin khelh theih a ni lo. Kuminah neih theih a ni leh dawn a, tualchhung cricket inelna a awm loh rei avangin inlan an ṭhahnemin a rinawm.

CAM chuan a hnuaia club inziak lut zawng zawng tel turin a sawm a, tel tum tan October 19-22 chhungin CAM Office, KL Rochama Building, First Floor-ah entry free Rs 500 pek tur a ni.