Brooks a cancer

Bournemouth tana Premier League khel tawh ṭhin midfielder David Brooks chu a cancer tih hriat chhuah a ni. Taksa peng hrang hranga lang chhuak thei 'Hodgkin lymphoma' a ni a, kar leh aṭangin enkawlna an nei ṭan nghal ang.

Kum 24 mi Brooks hi an ram Wales tan kar hmasa pawh khan a la feh chhuak, medical team lamin a natna hi an lo hmuh chhuahsak a, stage 2 a lo nih tawh avangin a tirah an hre chhuak mai lo tihna a ni.

Brooks chuan, "Cancer ka vei hlauh mai a, enkawl ka ngai dawn. Wales FA hnenah lawmthu ka sawi, ṭha takin min enkawl lo se la chuan ka natna hi an la hrechhuak kher lo ang," a ti a, a cancer avanga amah thlamuantu leh dam leh tura duhsaktute chunga a lawm thu a sawi bawk.