Azarenka hmachhawn tur Ostapenko

Jelena Ostapenko chuan tun hnai kum thum chhunga a vawi khat nan WTA 1000 semifinal a lut ve leh ta. Ostapenko hian Shelby Rogers chu 6-4, 4-6, 6-3 a hnehin Indian Wells Masters quarterfinal a paltlang.

Latvian nula Ostapenko hian 2017 khan French Open nomawi a chawi a, a hnu lamah result ṭha neih a harsat hle. A match lehpekah chuan amah ang bawka Grand Slam champion tawh Victoria Azarenka nen an intawng leh dawn.

Kum 24 mi Ostapenko chuan, "Set khatnaah khan Rogers kha a khel ṭha hle, tihsual a neih tlem bakah a ball vuak a nain a dik thei hle, tihsual neih tlem kha ka thupui a ni a, a tawpah chuan ka din chan theih phah," tiin a sawi.

Inkhel dangah Victoria Azarenka chuan semifinal thleng turin Jessica Pegula chu 6-4, 6-2 in a lo hneh ve bawk.