Quarterfinal-ah India team

Ram leh ram badmin-ton tean hmanga inelna Thomas Cup khelh laiah India mipa team chuan quarterfinal an lut a, hmeichhe team pawh an group match hnuhnung berah chak lo mah se knockout stage an lut chiang tawh.

India mipa team hian an group pahnihnaah Tahiti chu 5-0 in an sawp a, an mach hmasa zawkah Netherlands chu 5-0 in an lo hneh tawh bawk - khelh hmabak pakhat nei chungin an tlang.

Group C-ah India leh China an tlang chiang tawh a, ram pahnih hian an group match hnuhnung berah hmahruaitu nih an inchuh ang; Netherlands leh Tahiti erawhin beisei an nei tawh lo thung.

Hmeichhe inelna lamah pawh India an che ṭha. Group B-ah awmin India hian Spain leh Scotland an hneh a, match thumnaah Thailand (5-0) in ngam lo mah se an tlang ta tho, quarterfinal-ah group A hmahruaitu Japan an hmachhawn dawn a ni.