World record chelhtu thiin an chhar

Kenyan infiammi, hmeichhe intlansiak huanga world record siam thei Agnes Tirop chu a chenna inah thia chhar a ni a, a thih dan hi police ten an chhui nghal - a pasal a tlanbo avangin zawn nghal a ni.

Tirop-i hian World Athletics Championship-ah bronze medal vawi hnih a la tawh. August thlaa neih zawh tak Tokyo Olympic-ah pawh khan inlanin 5,000m final a thleng; kum 2002 khan 10km chu 30:01 chhunga thlengin world record a lo siam tawh.

A thih dan chhuitu police hotupa Tom Makori chuan, "Tirop hi khumah thia chhar a ni a, chhuatah thisen a baw nual bawk, rawng taka thah ni ngeiin a lang," tiin an sawi a, a rang thei anga chhuih chhuah theih an inbeisei.