AFC U18 chak lo nghal

Hero I League Under 18 final round match hmasa berah Aizawl FC an chak lo nghal a, Mizo club hian nimin khan inelna thlengtu Shillong Lajong FC chu 1-0 in an ngam lo.

Meghalaya club tan hian rawlthar bei­seiawm Kynsailang Khongsit chuan minute 58-naah he inkhela goal awmchhun hi a khung a, Aizawl FC-in a chhanletna an nei theih loh avangin an tlawm.

Team 16 telna I League U18 final round-ah hian group pali a hmahruaitu ṭheuh chauhin semifinal an lut dawn a, Mizo club tan a sang pali zinga tel tura beiseina nei turin an hmabak match hnihah tlawm nawn a thiang tawh lo ang.