Hmalam panin Halep kal zel

Italian Open khelh mekah hmeichhe world number 1 Simona Halep leh Caroline Wozniacki te chuan an khingpui lakah straight set a hnehna changin third round an inhlangkai.

Nilaini zan inkhelah Halep hian Naomi Osaka 6-1, 6-0 in a hneh. Romanain nula Halep hian set hnih an khelh chhungin game khat chiah a hloh a, a khingpui Japan nula Osaka hian break point vawi thum a hmuh chu a chhawr ṭangkai thei lo.

Kum 26 mi Halep hian a match lehpekah chuan Madison Keys a hmachhawn leh dawn. Keys hian Donna Vekic chu 7-6 (7/2), 7-6 (7/0) in a lo hneh ve bawk a ni - Halep tan a ranking humhim turin quarterfinal tal thlen a ngai a, Keys lakah hnehna a chan ngei a ngai tihna a ni.

Wozniacki pawhin Alison Van Uytvanck chu 6-1, 6-4 in a hneh. 1999 Italian Open champion Venue Williams chuan a nomawi 50-na chawi tumin hma a la ve mek bawk a, kum 37 mi Venus hian Elena Vesnina lakah 6-2, 4-6, 7-5 in hnehna a chang ve bawk - Anett Kontaveit nen an inkhel leh ang.

Wimbledon champion Garbine Muguruza, Grand Slam vawi nga champion tawh Maria Sharapova, seeded pahnihna Caroline Wozniacki, British number 1 Johanna Konta leh French Open champion lai Jelena Ostapenko te pawhin third round an inhlangkai vek bawk.