World Cup champion Wilson a thi

Kum 1966-a England-in World Cup nomawi an chawi ṭuma player pawimawh Ray Wilson chu Alzheimer natna avangin a thi a, English left back lar ṭhin hi kum 83 mi a ni.

Sir Alf Ramsey enkawlna hnuaia England team-ah khan Wilson hian final-ah inkhel bul a ṭan a, kum 31 mi niin Wembley-a West Germany nena an final-ah hian England player zinga starting XI-a tel upa ber a ni.

Wilson hian a hun tam zawk chu Huddersfield Town-ah a hmang a, Everton, Oldham leh Bradford City tan a khel bawk a, Three Lions (England sawina) tan hian match 63 a inlan.