Chelsea pawisa an chawitir

England-a football thuneitu sang Football Association chuan Chelsea chu £20,000 an chawi tir. Blues an hrem chhan hi thla hmasaa Huddersfield nen an inhnehtawk ṭumin, first half laia referee Lee Mason an hual luih luih vang a ni.

Mason hian Chelsea lamin corner an pet hmain hamrik a ham hman a, chawlhlawk an hmang zui. Blues player ten hrethiam loin khelmual chhuahsan pahin referee hi an bawr a, corner a pe lo chu an sawisel.

Stamford Bridge-a an inhnehtawk vang hian kai thar Huddersfield chu an him phah a, season tharah Premier League an khel zui ang. Chelsea tan erawh Champions League kawngkhar in kharna pakhat a ni thung.