Hrem hnuah Warner tan club cricket

Australia vice-captain hlui David Warner chu hrem ni mah se club cricket-ah erawh khuahkhirh a ni lo a, ball khawih chingpen avanga kum khat hrem a nih chhungin Sydney club Randwick Petersham tan a khel dawn.

March-a South Africa tour an neih ṭumin Australia team chuan ball an khawih chingpen a, he thila inhnamhnawih Warner hi kum khat atan hrem a ni.

Warner hi Indian Premier League club Sunrisers Hyderabad captain a nihna aṭang pawhin a inhnukdawk a, mahse hrem a nihna hi international leh state cricket chauh a nih avangin club cricket-ah a inlan leh dawn ta.