A thiam pariat zingah Sharapova

World number 1 hlui Maria Sharapova chuan Daria Gavrilova hnehin Italian Open quarterfinal a lut a, Russian nula hian hnehna a chan hnuah tun thla tawpa khelh tur French Open atan inrintawkna a neih thu a sawi.

Ningani zan inkhelah Sharapova hian 6-3, 6-4 in hnehna a chang a, nizan khan French Open champion lai Jelena Ostapenko nen an inkhel zui a, he thu buatsaih lai hian result kan hre hman lo.

Grand Slam vawi nga champion tawh Sharapova chuan, "Clay-ah ka khel ṭha chho mek a, inelna lian hmachhawn tur pawhin inrintawkna ka nei. Champion sawi hun a la ni lo, chutihrualin inkhelh hmabak atan zel rilru pek a pawimawh," a ti.

Inkhel dangah Grand Slam vawi hnih champion tawh Angelique Kerber chuan Maria Sakkari chu 6-1, 6-1 in a sawp a, Caroline Garcia pawhin Sloane Stephens 6-1, 7-6 in a hneh ve bawk. World number 1 Simona Halep erawh a khingpui tur Madison Keys a inhnuhdawh avangin inkhelh hah ngai loin a tlang.