Hoffenheim-in coach an ban

Thawhlehni zan khan German club Hoffenheim chuan an coach Alfred Schreuder chu an ban. Bundesliga hi khel zo dawn hnai tawh mah se coach chungah rinna an nghat chhunzawm ngam lo - league khelh zawh nan ni 18 chauh an hmabak tawh.

Hoffenheim executive director Frank Briel chuan, "Tuna kan dinhmun thlir chungin club tana ṭha ber tur kan ngaihtuah a, nakin zel atan pawha kan ṭhat tlanna tur zawk ngaihtuahin kan thawhhona hi kan titawp," a ti

Bundesliga table-ah Hoffenheim hi pasarihna an ni mek, European football khel phak china awm an phak lohna chu point hnih a ni. League match khelh hmabak pali chauh a awm tawh avangin chetsual a thian loh bakah club dang tihsual an chan a ngai tel.

Dutch coach hian tun hmain Ajax leh Hoffenheim-ah assistant coach hna a thawk tawh, nikum aṭang khan German coach hi enkawl ṭanin 2021-22 season thleng daih contract nei mah se a hun a hmang zo ta lo.

Hoffenheim hian Zirtawpni zan hian an chung lama awm RB Leipzig an hmachhawn zui dawn a, nimin tlai thleng kha chuan an team enkawl tur hi an la ti chiang rih lo a ni.