Zverev leh Tsitsipas an tla

Indian Wells Masters-ah champion tura rinkai pahnih Alexander Zverev leh Stefanos Tsitsipas te chu quarterfinal paltlang zo loin an tla, seeded pakhatna Daniil Medvedev pawh rin loh takin last 16-ah a lo tla tawh bawk.

Inrinni inkhelah Tsitsipas hi Nikoloz Basilashvili lakah 6-4, 2-6, 6-4 in a chak lo, seeded pawh chang phak lo Basilashvili hi semifinal-ah pawh a la chak chhunzawm a, tukin hian final-ah Cameron Norrie nen an inhmachhawn ang.

Greek tlangval Tsitsipas hian April thla khan Monte Carlo Masters-ah nomawi a chawi, Grand Slam dawta inelna sangah hian a vawi hnih nan champion beisei viau mah se a hunah tak a che fuh thei lo a ni.

Zverev pawhin beisei a phak lo. Olympic champion hian match point vawi hnih a hmuh a chhawr ṭangkai thei lo, chak thei dinhmuna a din hnuah Taylor Fritz chu 4-6, 6-3, 7-6 (7-3) in a hneh lo.