T20 World Cup an ṭan

Nimin khan Al Amerat Cricket Ground, Oman-ah T20 Cricket World Cup an khel ṭan. Match hmasa berah hian Papua New Guinea leh Oman te an inkhel a, result kan hre hman lo.

Vawiin tlai dar 3:30 hian Ireland leh Nether-lands an inkhel ang a, zanin dar 7:30 hian Sri Lanka leh Namibia te an inhmachhawn bawk ang.

T20 World Cup hi UAE leh Oman ten a thleng kawp a, first round-ah hian ram ṭha pariat an la awl. India, Afghanistan, Australia, England, New Zealand, Pakistan, South Africa leh West Indies te hi Super 12 aṭangin an inlan ṭan dawn.

First round-ah hian team pariat an awm a, group hnihah an ṭhen hrang. Group A-ah Ireland, Namibia, Nether-lands leh Sri Lanka te an awm. Group B-ah Bangladesh, Oman, Papua New Guinea leh Scotland te awmin group hnih aṭangin a sang pahnih ve vein Super 12 an lut ang.