Kante-a'n training pangngaiin a zawm ta

Chelsea midfielder N'Golo Kante chuan hun eng emaw ti chhung mimal training a neih hnuah tun kar aṭangin team training pangngai a zawm, manager Frank Lampard tan chanchin lawmawm a ni ang.

Coronavirus vangin Premier League an chawl lailawk mek a, team training an neih ṭantirh khan Kante hi inlan nghal mah se hri leng hi a hlau a, amah bakah a chhungte zingah thawk lama harsatna nei an awm tawh avangin club lam pawhin an hrethiam hle.

Kum 2018 khan Kante hi training an neihna hmunah thawk lamah harsatna a lo nei tawh a, harsatna a neih kum tho hian a unaupa chu lungphuchawl vangin a thi bawk - Lampard chuan tun season league match 18 khel tawh Kante harsatna hi 

a pawmpui.

In lamah mimal training a nei a, kar hmasa khan club-ah kir leh mah se a ṭhiante zinga awm loin mimal bawkin inbuatsaihna a nei - tun kar aṭang erawhin a 

ṭhiante nen nidanga training an neih pangngai angin a ti ve leh ta.

Blues hian hripui len hnua an match hmasa ber atan June 21 hian Aston Villa an lenchilh dawn a, ni li hnuah league champion lai Manchester City chu an mikhual zui ve thung ang.

Premier League match 29 an khelh tawh chinah Chelsea hian point 48 hmuin palina an ni mek, pangana Manchester United aiin point thumin an sang zawk. Pahnihna ni lai Man City chu hrem hmabak an nih bawk avangin season tharah Champions League khelh ngei an  beisei.