Kohli tan nomawi - Raina

India cricketer hlui Suresh Raina chuan Virat Kohli-a'n T20 captain thlah nan nomawi a phu thu a sawi a, Kohli tana theihtawp chhuah turin India team a ngen.

Raina chuan, "India tana tun World Cup puala thuchah tur chu, Kohli tan khel rawh u, tih hi a ni. Tun inelna hi Kohli tan T20 captain anga a khelh hnuhnun ber tur a ni a, chuvangin nomawi lak hi a pawimawh," tiin a sawi.

India captain Kohli hian T20 World Cup zawhah T20 bikah captain hna a chawlhsan tur thu a tichiang tawh. Men in Blue hian an match hmasa berah Pakistan an hmachhawn nghal dawn a, October 24 zan dar 7:30-ah an inkhel ang.