NBA khelh ṭan hun tur December 22

Basketball inelna sang leh ngaihhlut ber NBA season thar chu December 22 aṭangin khelh ṭan a ni dawn. NBA leh National Basketball Players Association chuan - hlawh, khelh hun leh contract chungchangah inremna an siam nghal a ni.

Season hmasa khan Covid-19 vangin an zawh hun tur pangngaiah an zo thei lo, March thla a zawh tur kha October-ah an zo thei chauh. 2020-21 season pawh ruahman dan chuan October a khelh ṭan tur ni mah se kum tawp dawnah an khel ṭan dawn chauh.

NBA season tharah hian match khelh tur an ti tlem dawn a, season tluanin match 72 khelh tura ruahman a ni. Season hmasa khan Los Angeles Lakers chuan Miami Heat chu 4-2 a hnehin kum 10 hnuah NBA nomawi an chawi.