Djokovic dinhmun a chiang lo

Novak Djokovic chuan a nomawi humhim turin Australian Open a khel ngei dawn em, tih a sawi chiang thei lo. Australian Open khelhna tur Victoria state thuneitute chuan inelna hmachhawn tur player tan coronavirus laka invenna vaccine lak ngei a ngaih thu an lo sawi tawh.

World number 1 Djokovic chuan, "Thil hrang hrang a thleng a, a nih tur ang angin a ni zel bawk. Melbourne khawpuiah ka inkhel ngei dawn em, tih erawh ka sawi chiang thei rih lo.

"Vaccine lak leh lak loh hi chu mimal zalenna a ni a, zirchianna ṭha leh rintlak tak tel lo chuan invenna lak ngawt hi a ṭha tih ka sawi ngawt thei lo," tiin a sawi a, sorkar thuneituten an ngaihdan leh inkaihhruaina an thlak a nih loh chuan Novak tan thil a harsa dawn.