Zaninah La Liga ṭan dawn

European football-a league ngaihven hlawh zinga mi La Liga chu zanin dar 1:30-ah khelh ṭan a ni leh dawn ta a, Seville derby-ah Sevilla chuan team ṭha Real Betis an mikhual dawn.

Sevilla hi season thara Champions League khelh beisei an ni a, table-ah hmahruaitu Barcelona leh pahnihna Real Madrid chiah phak loin pahnihna an ni - inkhel a hmuhnawm dawn tihna a ni. 

Covid-19 hri leng vangin La Liga hi March 12 khan tihtawp lailawk a ni a, March 23-ah tiam chin awm loa tihtawp zui a ni. Tunah erawh Covid-19 in zia lam a pan takah chuan league khelh chhunzawm a ni dawn a, July 19-ah league hi khelh zawh tur niin zantin match a awm ang - club 20 te hian match 11 ṭheuh khelh tur an la nei.