A dinna ngaiah IOC a ding

International Olympic Com­mittee (IOC) chu chi inthliarna kawngah a dinna pangngaiah a ding reng a, thlei bik nei loin a kal zel dawn; infiamna huanga chi inthliarna duh lohna lantir pawh a phal chuang lo.

America rama mihang pakhat George Floyd thihnain khawvel a nghawng chhuak a, infiamna peng hrang hrangah mi ṭhenkhat chuan chi inthliarna an duh loh zia hi an lantir a, thuneitu lam pawhin a tlangpui thu chuan player duhthlannaah a nghat.

IOC kalphung erawh a dang­lam. IOC dan bung 50-na in a tarlan dan chuan, "Olympic khawpui chhungah politics thil, sakhuana leh chi inthliarna lam hawi a leng loin a tel tur a ni bawk lo," tih a inziak.

Infiamna khawmpui lian Olympic-ah chuan player-ten chi inthliarna an duh loh zia an lantir phal a ni dawn lo, infiammi zawng zawng chu ang khata en an ni zel dawn a, a hnuaihnung leh sang bik an awm loh avangin mi ṭhenkhat thlavang lo hauh pawh kha phal a ni lo.